ՄԻԱՎ-ի հակազդման ծրագրերը վերջին տարիներին նոր մոտեցումներ և թիրախներ են ձևավորել՝ հաշվի առնելով անցած 15 տարիների ձեռքբերումները և մարտահրավերները: ՁԻԱՀ-ի դեմ պայքարի նոր Գլոբալ 2021-2026 Ռազմավարությունը ձգտում է վերացնել անհավասարությունները, որոնք խոչընդոտում են ՁԻԱՀ-ի դեմ արդյունավետ պայքարին որպես հանրային առողջության սպառնալիքի մինչև 2030 թվականը՝ ուշադրության կենտրոնում պահելով և առաջնահերթություն տալով այն մարդկանց, ովքեր հասանելիություն չունեն ՄԻԱՎ-ի բուժման ծառայություններին: Ռազմավարությունը նախանշում է ապացույցների վրա հիմնված առաջնահերթ գործողություններ և հավակնոտ նպատակներ, որոնք կօգնեն վերջ դնել ՁԻԱՀ-ին որպես հանրային առողջության սպառնալիք մինչև 2030 թվականը բոլոր երկրներում և համայնքներում: Համաձայն ՄԻԱՎ-ի հակազդման գործողությունների ծրագրի 10-րդ կետի՝ «Երկրները պարտավորվում են մշակել կամ կատարելագործել շահագրգիռ կողմերի, այդ թվում, քաղաքացիական հասարակության և պետական կառույցների միջև ընդհանուր պատասխանատվության շրջանակը և ապահովել հայանքային, ազգային և միջազգային մակարդակներում առաջընթացի և արդյունքների մասին պարբերական հաշվետվություններ։ ՄԱԿ-ի ՄԻԱՎ/ՁԻԱՀ-ի միացյալ հարցերի ծրագրի կողմից մշակված ՄԻԱՎ-ի կանխարգելման գլոբալ գնահատականը, որը գնահատում է մի շարք ցուցանիշներ, ինչպիսիք են ՁԻԱՀ-ի մշտադիտարկման համաշխարհային համակարգի հիմնական բաղադրիչների ծածկույթը և արդյունավետությունը, կարող է օգտակար գործիք լինել բոլոր մակարդակներում առաջընթացը պարբերաբար վերանայելու և երկրներին ներշնչելու ոլորտի կարևորագույն ցուցանիշների մշտադիտարկում (մոնիթորինգ) ազգային միջոցներ ներդնելու համար: Վերոնշյալ նպատակին հասնելու համար անհրաժեշտ են հետևյալ գործողությունները․

-Արդյունքների և ցուցանիշների մշտադիտարկում (մոնիթորինգ) մի շարք ոլորտներում ՝ համաճարակաբանական, ծրագրային, ֆինանսական և մարդու իրավունքներ,

-Ընտրված բոլոր ցուցանիշների արդյունքների ցուցադրումը հեշտ հասկանալի և օգտագործվող ձևաչափով բաց (open source) հարթակում՝ սահմանված առաջադրանքների իրական արդյունքների համեմատական վերլուծությամբ,

-Ցուցանիշների բաց, թափանցիկ և հավաքական հաստատում ազգային մակարդակով,

-ՄԻԱՎ-ի հակազդման ծրագրերում բոլոր շահագրգիռ կողմերի ուսուցանում, ներառյալ քաղաքացիական հասարակությանը՝ կիրառելով այս հարթակը,

-Ինստիտուցիոնալ մակարդակում արագ արձագանքման մեխանիզմի ստեղծում՝ հիմնված սույն գործիքի միջոցով ստացված տեղեկատվության հիման վրա:

Հեռ․

էլ. Հասցե